РЕКТОРИ ДОНИШКАДАИ ИСЛОМИИ ТОҶИКИСТОН БА НОМИ ИМОМИ АЪЗАМ АБӮҲАНИФА
.
АСОМУДДИНЗОДА ТОҶИДДИН ИСЛОМИДДИН

Номзади илмҳои фалсафа
___________________________

Муассисаи таълимии давлатии Донишкадаи исломии Тоҷикистон ба номи Имоми Аъзам Абӯҳанифа Нуъмон ибни Собит дар қатори дигар муассисаҳои таълимии олии кишвар ба тарбияи мутахассисони лаёқатманд машғул мебошад. Дар ин муассисаи таълимӣ бо дастгириҳои Ҳукумати мамлакат шароити хуби таълим фароҳам шуда, дар ихтисосҳои диншиносӣ ва забономӯзӣ мутахассисони шоиста тарбият мегиранд....Муфассалтар

Шумораи меҳмонон дар сомона: 24823
Ҳар рӯз зи худ бипурс, агар ту мардӣ!? К-имрӯз чи хизмате ба мардум кардӣ?

Падидаи навбатии намоёни даврони истиқлолияти ҷумҳурии ҷавони Тоҷикистон соли 2007 таъсиси муассиисаи давлатии Донишкадаи исломии Тоҷикистон ба шумор меравад, ки он бо ташаббуси бевоситаи Президенти Ҷумҳурии Тоҷикистон муҳтарам Эмомалӣ Раҳмон сурат гирифта, тасдиқи таъсисдиҳиро Ҳукумати Ҷумҳурии Тоҷикистон бо Қарори № 547 дар таърихи 2-юми ноябри соли 2007 расман эълон кард.   

                                                                                                                              Президенти Ҷумҳурии Тоҷикистон Эмомалӣ Раҳмон  

 

 

 

   

 

 

Донишкадаи исломии Тоҷикистон соли 2009 ба муносибати соли бузургдошти Имоми Аъзам-Абӯҳанифа бо Қарори Президенти Ҷумҳурии Тоҷикистон ба номи Имоми Аъзам-Абӯҳанифа Нуъмон ибни Собит номгӯзори карда шуд.

  

 

Мақсад аз таъсис додани Донишкадаи исломии Тоҷикистон, таъмини имкониятҳои таълими улуми исломӣ дар дохили кишвар ва ҷалб намудани хаткунандагони мактабҳои диннӣ ба корҳои манфиатовари ҷамъиятӣ, боло баровардани сатҳи маърифатнокии диннии шаҳрвандон, мутобиқ гардонидани раванди таълиму тарбияи диннӣ бо меъёрҳои муосири илмию иттилоотӣ мебошад.

Донишкада дорои ду факултет: факултети Улуми исломӣ, факултети Филологияи шарқ, ва нӯҳ кафедра: кафедраҳои Улуми Қуръон, кафедраи Аҳодиси набавӣ, кафедраи Шариати ислом, кафедраи Фалсафа ва илмҳои ҷамъиятӣ, ки ба факултети Улуми исломӣ дохил мешаванд ва кафедраҳои Филологияи араб, Таъриху диншиносӣ, кафедраи Забонҳо, Педагогика ва психология ва кафедраи Иттилоот ва илмҳои табиатшиносӣ ба факултаи Филологияи шарқ дохил мешаванд.

 

ДОНИШКАДАИ НАВИ ИСЛОМИИ ТОҶИКИСТОН БА НОМИ ИМОМИ АЪЗАМ-АБӮҲАНИФА НУЪМОН ИБНИ СОБИТ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Низоми Ганҷавии шаҳри Душанбе бо гузоштани санги асос ба бунёди иншооти нави Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит оғози расмӣ бахшиданд. 

 

Барои бунёди бинои нави Донишкадаи исломии Тоҷикистон ба номи Имоми Аъзам Абуҳанифа ҷой дар шафати "Масҷиди калон" замин ҷудо карда шудааст. Раиси Ҷумҳурии Тоҷикистон Эмомалӣ Раҳмон рӯзи чаҳоршанбеи 30-юми майи соли 2018 ба бунёди бинои нав оғоз бахшид. 

 

Иншооти нави Донишкадаи исломии Тоҷикистон барои 1500 донишҷӯ дар як баст пешбинӣ гардида, аз ҷониби Ҳукумати мамлакат  бо харҷи 136 миллион сомонӣ дар майдони қариб 3 гектар бунёд карда мешавад. Бинои асосии ин муассисаи олии таълимӣ аз 5 қисми (блок) ҳафтошёна иборат буда, лоиҳаи он ба таври замонавӣ дар доираи меъёрҳои меъморию шаҳрсозӣ таҳия шудааст. Тибқи лоиҳа, се қисми иншоотро асосан биноҳои таълимӣ ва маъмурӣ  ва ду қисми дигарро хобгоҳҳои замонавӣ, толори муосири варзишӣ, ошхона, маҷлисгоҳ ва китобхона ташкил медиҳанд. 

 

Зимни муаррифии лоиҳа ба Сарвари давлат муҳтарам Эмомалӣ Раҳмон иттилоъ дода шуд, ки хобгоҳ барои 1500 нафар, ошхона бо 490 ҷой, толори варзишӣ бо 260 ҷой ва маҷлисгоҳ бо 550 ҷойи нишаст сохта мешаванд. Бунёди китобхонаи анъанавӣ ва электронӣ низ ба нақша гирифта шудааст.  Ҳамчунин дар ин ҷо як бинои дуошёна, майдончаи варзишии универсалӣ, ҷойи истироҳат бо фаввора ва айвонҳо, таваққуфгоҳ барои нақлиёт ва дигар иншооти ёрирасон бунёд мегардад. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба масъулони корҳои сохтмонӣ дастур доданд, ки барои бо сатҳу сифати баланд ва мувофиқ ба талаботи лоиҳа сохтани иншооти таълимию ёрирасони донишкадаи мазкур тадбирҳои зарурӣ андешанд. 

Ёдовар мешавем, ки биною иншооти нави Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит дар шафати «Масҷиди калон», ки айни замон сохтмонаш идома дорад, бунёд мегардад.

 

 

 

 

Донишкадаи исломии Тоҷикистон ба номи Имоми Аъзам-Абӯҳанифа Нӯъмон ибни Собит дар шабакаи Тwitter

Воридшавӣ ба e-mail- и dit.tj



"ЗИ ГАҲВОРА ТО ГӮР ДОНИШ БИОМӮЗ!"






Донишкадаи исломии Тоҷикистон ба номи Имоми Аъзам Абӯҳанифа ©2018. Ҳуқуқҳо ҳимоя карда шудаанд.