Имрӯз дар Донишкадаи исломии Тоҷикистон ба номи Имоми Аъзам Абуҳанифа Нуъмон ибни Собит Конфронси илмӣ – назариявӣ бахшида ба 31 – умин солгарди Конститутсияи Ҷумҳурии Тоҷикистон зери унвони  “Конститутсия – қонуни асосӣ ва сарчашмаи ҳуқуқӣ дар низоми давлатдорӣ” бо иштироки ректори навтаъингаштаи Донишкада Аҳтамзода Абдуалим Аҳтам баргузор гардид. Конфронси донишкадавӣ бо ибтикори Кафедраи илмҳои ҷамъиятшиносӣ ташкил гардида, дар он чор нафар устодони кафедраи ва як устоди Донишгоҳи миллии Тоҷикистон дар мавзӯъҳои гуногуни тавсифи Сарқонун дар низоми давлатдорӣ баромад карданд.