Санаи 20.02.2026 бо ташаббуси қисми тарбия ва бахши ҷавонони Донишкадаи исломии Тоҷикистон ба номи Имоми Аъзам – Абуҳанифа Нуъмон ибни Собит ҳамоиши илмӣ-назарявӣ бахшида ба 23-юми феврал Рӯзи Артиши миллии Ҷумҳурии Тоҷикистон таҳти унвони “Артиши миллии Ҷумҳурии Тоҷикистон сипари боэътимод ва ҳимоятгари халқу Ватан” доир гардид.

Дар ҳамоиши мазкур, аҳли раёсат, кормандон, омӯзгорон ва донишҷӯён иштирок намуданд. Ректори Донишкада муҳтарам Аҳтамзода А.А., ва намояндаи Кумитаи дин ва танзими ҷашну маросими назди Ҳукумати Ҷумҳурии Тоҷикистон – Хоҷамирзода Муслиҳиддин тамоми кормандону омӯзгорони Донишкадаро бахшида ба ин санаи муҳими таърихи табрику таҳният намуданд.

Дар чорабинӣ намояндаи Донишкадаи ҳарбии Вазорати мудофиаи Ҷумҳурии Тоҷикистон полковник Шоҳиён Шодмон Рустам даъват гардид.

Ҳамчунин омӯзгори кафедари таърих ва диншиносӣ Роҳатов Ғ., дар мавзӯи “Таърихи пайдоиши Артиш ва аҳамияти он” суханронӣ намуданд. Дар ин чорабинии бошукӯҳ шеърҳо дар васфи муқаддас будани Ватан-Модар ва Артиши миллӣ аз тарафи донишҷӯён қироат гардид.

Дар охири чорабини як қатор кормандону омӯзгорон аз тарафи Раёсати Донишкада бо Сипоснома ва тӯҳфаҳо қадрдонӣ гардиданд.