Санаи 23 феврали соли 2026 донишҷӯёни курсҳои 5-уми Донишкадаи исломии Тоҷикистон ба номи Имоми Аъзам – Абуҳанифа бо роҳбарии омӯзгори кафедраи таърих ва диншиносӣ н.и.т. Роҳатов Ғ., бо мақсади шиносоӣ бо таъриху фарҳанги пурғановати халқи тоҷик аз Осорхонаи миллӣ боздид намуданд.

Зимни боздид донишҷӯён аз толорҳои намоишӣ дидан карда, бо ёдгориҳои нодири таърихӣ ва мероси фарҳангии ниёгон аз наздик ошно шуданд. Ин ташриф барои онҳо имконият фароҳам овард, то дониши худро дар самти таърих ва фарҳанги миллӣ ғанӣ гардонанд.

Чунин иқдомҳо дар таҳкими ҳисси худшиносӣ, ифтихори миллӣ ва арҷгузорӣ ба арзишҳои таърихию фарҳангии миллат мусоидат менамояд.