Санаи 07 апрели соли 2026 дар толори Донишкада семинари омӯзишӣ оид ба шарҳу тавзеҳи нуктаҳои асосии Паёми Президенти Ҷумҳурии Тоҷикистон ба Маҷлиси Олӣ баргузор гардид. Дар семинар муовини ректор оид ба тарбия Матинов Х.Қ., сардори шуъбаи илм, инноватсия ва робитаҳои хориҷӣ Ширинов Х.Ч., сардори бахши ҷавонон Раҳмонов Р.С. ва ҷонишинони декан оид ба тарбияи факултетҳо иштирок намуданд. Дар семинар мазмуну муҳтавои Паём, самтҳои афзалиятноки сиёсати давлатӣ, рушди соҳаҳои маориф, илм, тарбия ва ҷавонон мавриди баррасӣ қарор гирифтанд. Иштирокчиён вобаста ба татбиқи амалӣ намудани дастуру супоришҳои дар Паём зикршуда мубодилаи афкор намуда, ҷиҳати баланд бардоштани сатҳи маърифат, ҳисси ватандӯстӣ ва фаъолгардонии нақши ҷавонон пешниҳодҳо ироа карданд.

Дар семинар таъкид карда шуд, ки Паёми Президенти Ҷумҳурии Тоҷикистон бояд ҳамаҷониба омӯхта шавад ва донишҷӯён дар рӯҳия донишомӯзиву ватандӯстӣ, худшиносиву худогоҳӣ тарбия карда шаванд.

Дар фарҷом, ба як қатор ғолибони мусобиқаҳо аз ҷониби Раёсати Донишкада ифтихорномаҳо ва туҳфаҳои хотиравӣ тақдим гардида, онҳо бо ин васила сарфароз гардонида шуданд.