Санаи 09 апрели соли 2026 дар толори Донишкада конференсияи илмӣ-назариявӣ таҳти унвони «Робиаи Балхӣ ва муҳити адабии асри X-и Балх» баргузор гардид.

Дар кори конференсия ректори Донишкада муҳтарам Аҳтамзода А.А., ходими пешбари илмии Институти забон ва адабиёт ба номи А.Рӯдакии АМИТ, номзади илмҳои филологӣ Анзурати Маликзод, инчунин деканон, сардорони шуъбаву бахшҳо, мудирони кафедраҳо ва донишҷӯён иштирок намуданд.

Зимни чорабинӣ коршиносон ва иштирокчиён бо маърӯзаҳои илмӣ дар мавзуҳои зерин баромад карданд: «Робиаи Балхӣ ва муҳити адабии эҳёии Балхи аҳди Сомониён», «Нақд ва баррасии муламмаи Робиаи Балхӣ», «Суханвари маҳин бо иродаи матин», «Андешаҳои фалсафии Робиаи Балхӣ», «Робиаи Балхӣ – нахустин бонуи суханвари тоҷик», «Робиаи Балхӣ аз нигоҳи Аттори Нишопурӣ» ва «Вазъи илму фарҳанг дар замони Сомониён».

Дар фарҷоми конференсия як қатор донишҷӯёни фаъол, ки дар озмунҳои ҷумҳуриявӣ ва донишкадавӣ иштироки назаррас доштанд, бо сипоснома ва туҳфаҳо қадрдонӣ гардиданд.