14 апрели соли 2026 дар толори Академияи Вазорати корҳои дохилии Ҷумҳурии Тоҷикистон ҳамоиш таҳти унвони «Ҳамоҳангсозии ниҳодҳо – калиди муваффақият дар роҳи пешгирии истифодаи маводи нашъаовар миёни ҷавонон» баргузор гардид.

Дар чорабинӣ намояндагони сохторҳои давлатӣ, муовинони ректорону директорон оид ба тарбия, аз ҷумла муовини ректор оид ба тарбия ва сардори бахши ҷавонони Донишкадаи исломии Тоҷикистон ба номи Имоми Аъзам-Абуҳанифа, инчунин мудирони шуъбаҳои кор бо ҷавонони муассисаҳои таҳсилоти ибтидоӣ, миёна ва олии касбии шаҳри Душанбе ва ҷавонони фаъол иштирок намуданд.

Иштирокчиён масъалаҳои муҳими пешгирии истеъмоли маводи нашъаовар миёни ҷавонон, баланд бардоштани маърифати ҳуқуқӣ ва таҳкими ҳамкориҳои байни ниҳодҳоро баррасӣ намуда, доир ба роҳҳои самараноки мубориза бо ин падида мубодилаи афкор анҷом доданд.