Санаи 04.05.2026 оид ба баррасии вазъи амалисозии “Стратегияи давлатии муқовимат ба коррупсия дар Ҷумҳурии Тоҷикистон барои то давраи соли 2030”, дар муассиса ҷаласаи корӣ таҳти роҳбарии ректори Донишкада муҳтарам Аҳтамзода Абдуалим Аҳтам, бо иштироки аъзоёни Раёсат ва мудирони кафедраҳо баргузор гардид.

Дар ҷаласа масъалаҳои марбут ба пешгирии амалҳои коррупсионӣ, роҳ надодан ба кирдорҳои ғайриқонунӣ ва таҳкими интизоми хизматӣ мавриди баррасӣ қарор дода шуданд. Устод Аҳтамзода А. зимни суханронӣ таъкид намуд, ки мубориза бо коррупсия яке аз самтҳои афзалиятноки фаъолияти Донишкада буда, риояи принсипҳои шаффофият, адолат ва масъулият аз ҳар як корманд талаб карда мешавад.

Ҳамзамон, ба ҳозирин дастур дода шуд, ки корҳои фаҳмондадиҳиро миёни кормандон ва донишҷӯён тақвият бахшида, ҷиҳати баланд бардоштани маърифати ҳуқуқӣ ва пешгирии ҳама гуна қонуншиканиҳо тадбирҳои мушаххас андешанд.

Дар анҷоми ҷаласа ба масъулин супоришҳои мушаххас дода шуда, таъкид гардид, ки муборизаи дастаҷамъона бар зидди коррупсия кафили рушди устувори муассиса мебошад.