Меҳмонони хориҷӣ аз ҷумҳуриҳои Узбекистон ва Қазоқистон аз Осорхонаи Донишкадаи исломии Тоҷикистон ба номи Имоми Аъзам -Абуҳанифа Нуъмон ибни Собит боздид намуданд.

Зимни боздид сардори шуъбаи илм, инноватсия ва робитаҳои хориҷӣ Ширинов Х.Ч., меҳмононро бо таърихи таъсисёбӣ ва фаъолияти осорхона, инчунин бо нигораҳои нодир, дастхатҳо, китобҳои қадима ва мероси фарҳангиву динии мардуми тоҷик аз наздик шинос карда, ба меҳмонон оид ба нақши донишкада дар рушди илму маърифат, тарбияи кадрҳои баландихтисос ва таҳкими арзишҳои фарҳангиву маънавӣ маълумоти муфассал пешниҳод намуд.