Санаи 8 июни соли 2026 дар толори Донишкадаи исломии Тоҷикистон бо иштироки аҳли раёсат, омӯзгорон ва кормандон ҳамоиши илмӣ-амалӣ таҳти унвони «Қонуни миллӣ – омили некуаҳволии мардум ва таъмини зиндагии шоиста» бахшида ба Рӯзи Ваҳдати миллӣ ва 35-солагии Истиқлоли давлатии Ҷумҳурии Тоҷикистон баргузор гардид.

Дар ҳамоиш ректори Донишкада муҳтарам Аҳтамзода А. А., муовини ректор оид ба тарбия Матинов Х. Қ., сардори шуъбаи таълим Рамзуллои Ф. ва мудири кафедраи ҷомеашиносӣ, номзади илмҳои фалсафа Файзуллоев Ғ. иштирок намуда, доир ба аҳамияти қонунгузории миллӣ, нақши он дар таҳкими давлатдории миллӣ, баланд бардоштани сатҳи маърифати ҳуқуқӣ, таъмини зиндагии шоистаи шаҳрвандон ва омилҳои таҳкими Истиқлоли давлатӣ ва ваҳдати миллӣ мубодилаи афкор намуданд.

Дар ҳамоиши мазкур вобаста ба мавзуъҳои «Ташаббусҳои Пешвои миллат, Президенти Ҷумҳурии Тоҷикистон Эмомалӣ Раҳмон дар рушди қонунгузории миллӣ», «Исроф ва паёмадҳои он дар ҳаёти иҷтимоӣ ва иқтисодии ҷомеа» ва «Фарҳанги сарфакорӣ ҳамчун омили рушди иқтисодӣ» мавриди таҳлилу баррасӣ қарор гирифта, суханронӣ намуданд.